ქუთაისში, პარლამენტის შენობასთან იპოთეკით დაზარალებულების აქცია მიმდინარეობს. აქციის მონაწილეები დეპუტატებთან შეხვედრას და მათი პრობლემის დროულად მოგვარებას ითხოვენ.

,,ცხოვრება აღარ გვინდა ისეთ მდგომარეობაში ვართ. არავინ გვაქცეს ყურადღებას. არადა ჩვენი პრობლემები დღითი-დღე იზრდება. იპოთეკის ფულს ვეღარ ვიხდით და სახლებიდან გასახლება გვემუქრება. თუკი არავინ მოგვაქცევს ყურადღებას, საერთოდ წავალთ საქართველოდან", - აცხადებენ აქციის მონაწილეები.

იპოთეკით დაზარალებულები ხელისუფლებას დროულად რეაგირებისაკენ მოუწოდებენ, წინააღმდეგ შემთხვევაში, ისინი ფართომასშტაბიანი აქციებით იმუქრებიან.